ភាពតានតឹងបានកើនឡើងរវាងសហរដ្ឋអាមេរិកនិងប្រទេសចិន

ភាពតានតឹងបានកើនឡើងរវាងសហរដ្ឋអាមេរិក និងប្រទេសចិន

អត្ថបទចុះផ្សាយកាលពីថ្ងៃទី 26/03/2009 កែប្រែលើកចុងក្រោយកាលពីថ្ងៃទី 26/03/2009 13:37 ម៉ោងសកល

អភិវឌ្ឍន៍យោធាចិនជាការគំរាមដល់ស្ថិរភាពតំបន់អាស៊ី។ នេះជាការគូសបញ្ជាក់របស់របាយការណ៍នៃក្រសួងការពារជាតិអាមេរិកដែលបានផ្សាយ

ឲ្យដឹងកាលពីថ្ងៃពុធម្សិលមិញហើយរបាយការណ៍នេះបានបញ្ជាក់ឲ្យដឹងបន្ថែមទៀតថា

ភាពតានតឹងបានកើនឡើងកាន់តែខ្លាំងឡើងៗរវាងអាមេរិកនិងចិន។

លោកស្រី Hillary Clinton

(រូបខាងឆ្វេង) និងHu Jintao ប្រធានាធិបតីចិន ក្នុងទីក្រុងប៉េកំាង កាលពីថ្ងៃទី ២១ កុម្ភៈ ២០០៩

អ្វីដែលបានធ្វើឲ្យក្រសួងការពារជាតិអាមេរិកបារម្ភខ្លាំងបែបនេះគឺមកពីកងកម្លាំងយោធាចិន

នៅ តែបន្តអភិវឌ្ឍបច្ចេកទេសទំនើបៗ ក្នុងវិស័យបរមាណូនិងវិស័យអវកាស ដែលទាំងនេះធ្វើឲ្យប្តូរប្រែប្រួលស្ថិរភាពយោធាក្នុងតំបន់ ហើយនិងតំនប់អាស៊ីប៉ាស៊ីហ្វីកទាំងមូល។ នេះបើយោងតាមរបាយការណ៍ប្រចាំឆ្នាំរបស់ក្រសួងការពារជាតិអាមេរិកស្ដីពីអនុភាពនៃយោធាចិន។

មន្ទីរប៉ង់តាហ្កូនបានធ្វើការកត់សម្គាល់ទៀតថា ទោះបីជាភាពតានតឹងរវាងទីក្រុងប៉េកាំងនិងកោះតៃវ៉ាន់បានថមថយស្រុតចុះយ៉ាងណាក្តី ក៏ប្រទេសចិននៅតែបន្តអភិវឌ្ឍសព្វាវុធទំនើបៗដែលជាការគំរាមមួយដល់កោះតៃវ៉ាន់។

របាយការណ៍អាមេរិកបានបញ្ជាក់ជាលើកទីមួយឲ្យដឹងថា ទីក្រុងប៉េកាំងបានសាងសង់មូលដ្ឋាននាវាមួយថ្មីនៅកោះហៃណាន់ឋិតនៅប៉ែកខាងត្បូងនៃប្រទេស

ចិន ដែលអាចទទួលនាវាមុជទឹក(sous-marins)បានកាន់តែច្រើនឡើងៗហើយមានទាំងបំពាក់ទៅដោយកាំជ្រួចមីស៊ីលអន្តរទ្វីបផងទៀត។

កំពង់ផែយោធាចិនថ្មីនេះមានទាំងហេដ្ឋារចនាសម្ពន្ធក្រោមដីដែលអាចធ្វើឲ្យកងកម្លាំងយោធាជើង

ទឹកចិនមានលទ្ធភាពនឹងឈានដល់ដែនទឹកអន្តរជាតិផ្ទាល់តែម្តង។ ចំណែកឯមន្ទីរប៉ង់តាហ្កូនបានប្រកាសអំពាវនាវកាលពីថ្ងៃពុធម្សិលមិញឲ្យប្រទេសចិនធ្វើការចរចា

ឲ្យបានមុតមាំជាមួយសហរដ្ឋអាមេរិក ហើយបានបន្ទោសទីក្រុងប៉េកាំងថាខ្វះតម្លាភាព

ក្នុងវិស័យអភិវឌ្ឍន៍យោធា។

នៅថ្ងៃព្រហស្បតិ៍ ទី ២៦ មីនា ទីក្រុងប៉េកាំងបានព្រមានជាថ្មីសហរដ្ឋអាមេរិកពីការមកដល់នៃនាវារុករកថ្មីអាមេរិកាំងនៅសមុទ្រចិន។ ហើយប្រទេសចិនបានប្រឆាំងយ៉ាងខ្លាំងក្លាទៅនឹងសេចក្តីសម្រេចចិត្តរបស់សភាអ្នកតំណាងអាមរិក

ដែលបានបញ្ជាក់សារជាថ្មីពីកិច្ចសន្យាអាមេរិកពាក់ព័ន្ធនឹងសន្តិសុខតៃវ៉ាន់។ អ្នកនាំពាក្យនៃក្រសួងការបរទេសចិនបានថ្លែងឲ្យដឹងថារដ្ឋាភិបាលនិងប្រជាជនចិនប្រឆាំងយ៉ាងដាច់

ខាតទល់នឹងរបស់ដែលហៅថា”Taïwan Relation Act”។ តើអ្វីទៅដែលហៅថា”Taïwan Relation Act”? ”Taïwan Relation Act”គឺជាកិច្ចសន្យាអនុម័តនាឱកាសទទួលស្គាល់ទីក្រុងប៉េកាំងដោយទីក្រុងវ៉ាសិនតោន ដោយសហរដ្ឋអាមេរិកសន្យាថានឹងរក្សាសមត្ថភាពរបស់ខ្លួនក្នុងកិច្ចការពារកោះតៃវ៉ាន់ហើយនិងផ្តល់

សព្វាវុធដែលមានលក្ខណៈសម្រាប់ការពារខ្លួនឲ្យកោះតៃវ៉ាន់។ សូមគូសបញ្ជាក់ថា ពីខែតុលាមកទល់ចុងខែកុម្ភៈកន្លងទៅនេះ ទីក្រុងប៉េកាំងបានព្យួរផ្អាកកិច្ចចរចាយោធាជាមួយទីក្រុងវ៉ាសិនតោនដើម្បីប្រឆាំងនឹងការលក់សព្វាវុធ

អាមេរិកឲ្យតៃវ៉ាន់ដែលមានចំនួនទឹកប្រាក់ប្រមាណ៦ ៥០០លានដុល្លារ។

ទីក្រុងប៉េកាំងគ្រោងតម្លើងថវិកាយោធារបស់គេប្រមាណ១៤,៩%សម្រាប់ឆ្នាំនេះទល់នឹងការតម្លើង១៧,៦%នៅឆ្នាំ២០០៨៕