ស្ថាប័ន​ផ្ដល់​ព័ត៌មាន​

ពត៌មាន​ដែល​ផ្សព្វផ្សាយ​នៅលើ​វិប​ផតថល​ស្ត្រី​ បាន​មកពី​ការ​ចូល​រួម​ចែក​រំលែក​ពត៌មាន​ ពី​ប្រភព​ផ្សេង​ៗ​​ជាច្រើន។​​ អង្គការ​វិទ្យាស្ថាន​បើក​ទូលាយ​ សូម​ថ្លែង​អំណរ​គុណ​​ជា​ពន្លឹក​ ​ចំពោះ​ ស្ថាប័ន​ផ្តល់​ព័ត៌មាន​ទាំងអស់​ ដែល​មាន​ដូចជា​៖​ អង្គការ​មិនមែន​រដ្ឋាភិបាល​ក្នុង​និង​ក្រៅ​ប្រទេស​ ស្ថាប័ន​រាជ​រដ្ឋាភិបាល​ ទី​ភ្នាក់​ងារ​អង្គការ​សហប្រជាជាតិ​ កាសែត​និង​ទស្សនាវដ្ដី ដែល​ចេញ​ផ្សាយ​ជាភាសា​ខ្មែរ​និងជា​​ភាសា​អង់គ្លេស។​ ការ​ចូល​រួម​របស់​លោកអ្នក​ ជា​វិភាគ​ទាន​មួយ​ដ៏​ថ្លៃ​ថ្លា​ ក្នុង​ការ​ជំរុញ​អោយ​ ការ​ចូល​មក​កាន់​​ការ​ចែក​រំលែក​ និង​ការ​ប្រើប្រាស់​ព័ត៌មាន​​​ កាន់​តែ​មាន​លក្ខណៈ​ទូលំទូលាយ​និង​មាន​ភាព​ងាយស្រួល​។ មិន​ត្រឹម​តែ​ប៉ុណ្ណោះ​ ព័ត៌មាន​ទាំង​នោះ​ ក៏​នឹង​ជា​ផ្នែក​មួយ​ដ៏​សំខាន់​ ​ក្នុង​ការ​ពិភាក្សា​ បញ្ចេញ​មតិយោបល់​ និង​ជា​មូលដ្ឋាន​ក្នុង​ការ​ធ្វើ​សេចក្តី​សំរេច​ចិត្ត​។​
អង្គការ​វិទ្យាស្ថាន​បើក​ទូលាយ​ សូម​ថ្លែង​អំណរ​គុណ​​យ៉ាង​ជ្រាល​ជ្រៅ​​ ​ចំពោះស្ថាប័ន​ផ្តល់​ព័ត៌មាន ​និង​រូបភាព​​ ដូច​មាន​រាយ​នាម​ខាង​ក្រោម​៖

• អង្គការ​មិន​មែន​រដ្ឋាភិបាល​ក្នុង​ស្រុក​

១.​ អង្គការ​យេនឌ័រ​និង​អភិវឌ្ឍន៍​ដើម្បី​កម្ពុជា
២.​​ អង្គការ​អភិវឌ្ឍន៍​ស្ត្រី​កម្ពុជា
៣.​ អង្គការ​ប្រឆាំង​អំពើ​ហិង្សា​ក្នុង​គ្រួសារ​​
៤. អង្គការ​កម្ពុជាដើម្បី​ជួយ​ស្ត្រី​មាន​វិបត្តិ
៥. គណៈកម្មាធិការ​ស្ត្រី​កម្ពុជា
៦. វិទ្យាស្ថាន​បណ្ដុះ​បណ្ដាល​ និង​ស្រាវ​ជ្រាវ​​ដើម្បី​អភិវឌ្ឍន៍​កម្ពុជា
៧. គណៈកម្មាធិការ​បំបាត់​រាល់​ទំរង់​នៃ​ការ​រើស​អើង​ប្រឆាំង​នឹង​នារី​ភេទ
៨. គណៈកម្មាធិការ​បំបាត់​ពេស្យាចារ ការរំលោភ និង​ជួញ​ដូរ​នៅ​កម្ពុជា
៩. សមាគន​អាដហុក
១០. អង្គការ​សម្ព័ន្ធ​ខ្មែរ​ជំរឿន​ និង​ការពារ​សិទ្ធិ​មនុស្ស
១១. អង្គការ​ស្រាវ​ជា្រវ​ជាតិ​កម្ពុជា
១២. សមាគម​យុវជន​ខ្មែរ
១៣. អង្គការ​ក្រុម​អ្នក​ច្បាប់​​ការពារ​សិទ្ធិ​​កម្ពុជា

• អង្គការ​មិន​មែន​រដ្ឋាភិបាល​អន្តរជាតិ​

១.​ German Technical Cooperation (GTZ)
២​. The Association for Progressive Communications (APC)
៣.​ International Labour Organization (ILO)

• ទី​ភ្នាក់​ងារ​អង្គការ​សហប្រជាជាតិ

១.​ មូលនិធិ​​សហ​ប្រជាជាតិ​សំរាប់​ប្រជាជន (​UNFPA)
២.​ ការិយាល័យ​ឧត្ដម​ស្នងការ​អង្គការ​សហប្រជាជាតិ​ទទួល​បន្ទុក​សិទ្ធិ​មនុស្ស​ (OHCHR)
៣.​ មូលនិធិ​អភិវឌ្ឍន៍​សហ​ប្រជាជាតិ​សំរាប់​ស្ត្រី (UNIFEM)

• កាសែត​ចេញ​ផ្សាយ​ជា​ភាសា​ខ្មែរ​

១.​ កោះ​សន្តិភាព
អាសយដ្ឋាន​ទំនាក់​ទំនង​ ផ្ទះ​លេខ ១៦៥Eo វិថី ១៦៩ ខាង​កើត​បូរី​កីឡា
លេខ​ទូរស័ព្ទ​ ៨៥៥-២៣​ ៩៨៧ ១១៩ និង​ទូរសារ​ លេខ​ ៨៥៥-២៣ ៩៨៧ ១១៧
២​. រស្មី​កម្ពុជា
អាសយដ្ឋាន​ទំនាក់​ទំនង​ ផ្ទះ​លេខ ៤៧៤ មហាវិថីព្រះមុនីវង្ស
លេខ​ទូរស័ព្ទ​ ៨៥៥-២៣​ ២២៤ ៦០៥ និង​ទូរសារ​ លេខ​ ៨៥៥-២៣ ៣៣២​​​​​​​ ៤៧២
៣.​ កម្ពុជា​ថ្មី
អាសយដ្ឋាន​ទំនាក់​ទំនង​ ផ្ទះ​លេខ ៨០៥ ផ្លូវ​កម្ពុជា​ក្រោម
លេខ​ទូរស័ព្ទ​ ៨៥៥-២៣​ ៨៨២ ៩៩០ និង​ទូរសារ​ លេខ​ ៨៥៥-២៣ ៨៨២ ៦៥៦
សារ​អេឡិចត្រូនិច kampucheathmey3@yahoo.com
៤.​ រស្មី​អង្គរ
អាសយដ្ឋាន​ទំនាក់​ទំនង​ ផ្ទះ២៥Z ផ្លូវ ៣៧២
សង្កាត់​បឹងសាឡាង ខណ្ឌ​ទួលគោក
លេខ​ទូរស័ព្ទ​ ៨៥៥-១១ ៦៣៧ ៦០៩
៥​. អរិយធម៌​
អាសយដ្ឋាន​ទំនាក់​ទំនង​ ផ្ទះ៥២ Eo វិថី លី-យតឡាយ(172)
សង្កាត់​ជ័យជំនះ ខណ្ឌ​ ដូនពេញ
លេខ​ទូរស័ព្ទ​ ៨៥៥-១១ ៩៧៧ ៩១៩ និង​ទូរសារ​ លេខ​ ៨៥៥-២៣ ៩៩៣ ២៦៩
សារ​អេឡិចត្រូនិច areyathorl_news@yahoo.com
៦.​ សម្លេង​យុវជន​ខ្មែរ
អាសយដ្ឋាន​ទំនាក់​ទំនង​ ផ្ទះ៨E1BA ផ្លូវ ២៦១ បឹងសាឡាង
លេខ​ទូរស័ព្ទ​ ៨៥៥-១២ ៨៥៩ ១៤២ និង​ទូរសារ​ លេខ​ ៨៥៥-២៣ ៩៩៧ ៤៧០
សារ​អេឡិចត្រូនិច khmeryouthnews@yahoo.com
៧.​ មនសិការ​ខ្មែរ
អាសយដ្ឋាន​ទំនាក់​ទំនង​ ផ្ទះ១៥A ផ្លូវ ២៩៣ បឹងកក់ ២
លេខ​ទូរស័ព្ទ​ ៨៥៥-១២ ៨៥០ ៦៩០
សារ​អេឡិចត្រូនិច mknsithik@yahoo.com
៨​. ស្រឡាញ់​ខ្មែរ
លេខ​ទូរស័ព្ទ​ ៨៥៥-២៣ ៩៩៧ ៧៦៥ និង​ទូរសារ​ លេខ​ ៨៥៥-២៣ ៩៩៧ ៧៦៥
សារ​អេឡិចត្រូនិច ksknews@yahoo.com
តំបន់​បណ្ដាញ slknews.blogspot.com
៩.​ ខ្មែរ​មេគង្គ
លេខ​ទូរស័ព្ទ​ ៨៥៥-២៣ ២១៥ ៨០៨ និង​ទូរសារ​ លេខ​ ៨៥៥-២៣ ២១៥ ៨០៨
សារ​អេឡិចត្រូនិច khmermekong@mail.com
១០​. ដើម​អំពិល
អាសយដ្ឋាន​ទំនាក់​ទំនង​ ផ្ទះ១ Ceo ផ្លូវ​លេខ​២៤០
សង្កាត់​ជ័យជំនះ ខណ្ឌ​ដូនពេញ
លេខ​ទូរស័ព្ទ​ ៨៥៥-២៣ ៧២២ ១០៦ និង​ទូរសារ​ លេខ​ ៨៥៥-២៣ ៧២២ ១០៧
សារ​អេឡិចត្រូនិច deumampil@mail.com
១១. The MEKONG TIMES

អាសយដ្ឋាន​ទំនាក់​ទំនង​ ផ្ទះ​លេខ​៦ ផ្លូវ​២៨៨ សង្កាត់​បឹងកេងកង១ ភ្នំពេញ

លេខទូរស័ព្ទ ០២៣ ៩៩៤ ៨០៦

សារអេឡិចត្រូនិច newsroom@themekongtimes.com

តំបន់​បណ្ដាញ www.themekongtimes.com

• កាសែត​ចេញ​ផ្សាយ​ជា​ភាសា​អង់គ្លេស

១.​ Cambodia World&News Report
អាសយដ្ឋាន​ទំនាក់​ទំនង​ ផ្ទះលេខ ១៣៥ DEo ផ្លូវ​លេខ​ ៣៦០
លេខ​ទូរស័ព្ទ​ ៨៥៥-១១ ៥០០ ៥៥០ និង​ទូរសារ​ លេខ​ ១(៥៦២) ២៦២ ២៨២១
សារ​អេឡិចត្រូនិច info@cambodianewsonline.com
តំ​បន់​បណ្ដាញ www.cambodianewsonline.com
២. The Cambodia Daily
អាសយដ្ឋាន​ទំនាក់​ទំនង​ ផ្ទះលេខ ១២៩ ផ្លូវ​លេខ ២២៨
លេខ​ទូរស័ព្ទ​ ៨៥៥-២៣ ៤២៦ ៦០២
៣. The Cambodia Weekly
អាសយដ្ឋាន​ទំនាក់​ទំនង​​អគា​លេខ​ ១៤៣ ជាន់​ទី​៣ មហាវិថី​ព្រះ​នរោត្តម
លេខ​ទូរស័ព្ទ​ ៨៥៥-២៣ ៩៩៣ ២៧៥
៤. Phnom Penh Post
អាសយដ្ឋាន​ទំនាក់​ទំនងផ្ទះ​លេខ ១០A ផ្លូវ​លេខ​ ២៦៤
លេខ​ទូរស័ព្ទ​ ៨៥៥-២៣ ៤២៦ ៥៦៨
សារ​អេឡិច​ត្រូនិច PhnomPenhPost@online.com.kh
តំបន់​បណ្ដាញ www.phnompenhpost.com

• ទស្សនាវដ្តីចេញ​ផ្សាយ​ជា​ភាសា​ខ្មែរ

១.​ ប្រជាប្រិយ
អាសយដ្ឋាន​ទំនាក់​ទំនង​ ផ្ទះលេខ ៧៧ វិថី ទីតូ (អតីត​ផ្លូវ​លេខ ២១៤)
សង្កាត់​ បឹង​ ត្របែក ខណ្ឌ ៧មករា
លេខ​ទូរស័ព្ទ​ ៨៥៥-២៣ ៤១៥ ៧៤១
សារអេឡិចត្រូនិច kwok_popularmag@online.com.kh
២​. ជីវិត​កំសាន្ត​ និង​ខ្មែរ​អប្សរា
អាសយដ្ឋាន​​ទំនាក់​ទំនងផ្ទះលេខ ២៤B ផ្លូវ ១៩៥៨
សង្កាត់​ភ្នំពេញថ្មី ខណ្ឌឫស្សីកែវ
លេខ​ទូរស័ព្ទ​ ៨៥៥-១១ ៣៧៦ ០០២
សារអេឡិចត្រូនិច khmer_apsara01@yahoo.com
chivit_kamsann01@yahoo.com
តំបន់​បណ្ដាញ www.khmerapsara.com
៣.​ ពេញ​និយម
អាសយដ្ឋាន​​​ទំនាក់​​ទំនង​ផ្ទះ​លេខ ២៦៤ ផ្លូវ​ម៉ៅស៊ីនទុង
សង្កាត់​បឹងសាឡាង ខណ្ឌ​​​​ ទួលគោក
លេខ​ទូរស័ព្ទ​ ៨៥៥-២៣ ៨៨៥ ៤៨៩
៤.​ ឡេឌីស៍
អាសយដ្ឋាន​​​ទំនាក់​​ទំនង​ផ្ទះ​លេខ​ ៨៤​ BEo ផ្លូវ​លេខ​២០៥ កែង​ ៣៨៨
សង្កាត់​ទួល​ ស្វាយ​ព្រៃ២ ​ខណ្ឌ​ចំការ​មន
លេខ​ទូរស័ព្ទ​ ៨៥៥-២៣ ៤២៤ ៥៦៩
សារ​អេឡិច​ត្រូនិច info@ladies.com.kh
៥.​ អង្គរ​ធំ​ និង​តារា
អាសយដ្ឋាន​ទំនាក់​ទំនង​ ផ្ទះ​១០៥​ ផ្លូវ ៣២៤
សង្កាត់ បឹង​សាឡាង ខណ្ឌ ទួល​គោក​
លេខ​ទូរស័ព្ទ​ ៨៥៥-២៣ ៩៩៦ ៤២១
តំបន់​បណ្ដាញ www.angkorthommagazine.com
៦. សុខភាព​យើង​
អាសយដ្ឋាន​ទំនាក់​ទំនង​ ផ្ទះ​លេខ​ ៦២Eo ផ្លូវ​ប៉ាស្ទ័រ
សង្កាត់​ផ្សារ​ថ្មី​៣ ខណ្ឌ​ដូន​ពេញ
លេខ​ទូរស័ព្ទ​ ៨៥៥-២៣ ២២២ ៦៦៤
សារ​អេឡិច​ត្រូនិច healthmagazineinfo@yahoo.com
៧. សេដ្ឋកិច្ច​ថ្ងៃនេះ
អាសយដ្ឋាន​ទំនាក់​ទំនង​បន្ទប់​លេខ ២២៥ វិថី ២៧៤ & ៣ មជ្ឈមណ្ឌល​ភ្នំពេញ
លេខ​ទូរស័ព្ទ​ ៨៥៥-២៣​ ៩៨៧ ៩៤៣
សារ​អេឡិចត្រូនិច etm@etmcambodia.com
តំបន់​បណ្ដាញ www.etmcambodia.com

• ទស្សនាវដ្តីចេញ​ផ្សាយ​ជា​ភាសាអង់គ្លេស​

១.​ The Cambodian Scene
អាសយដ្ឋាន​ទំនាក់​ទំនង​ ផ្ទះ​៤១ ផ្លូវ ២២២
សង្កាត់ បឹង​រាំង ខណ្ឌ ដូន​ពេញ​
លេខ​ទូរស័ព្ទ​ ៨៥៥-២៣ ២២៤​ ៤៨៨
សារអេឡិច​ត្រូនិច cambodians_mag@yahoo.com
cambodian@scene.com
តំបន់​បណ្ដាញ www.cambodianscene.

បទសម្ភាសន៍​រវាង​សារព័ត៌មាន​កោះ​សន្តិភាព ជា​មួយ​លោកស្រី ជឹម ម៉ាណាវី នាយិកា​អង្គការ​វិទ្យាស្ថាន​បើក​ទូលាយ ​ក្នុង​ឱកាស​ទិវា​សិទ្ធិ​នារី​

អន្តរជាតិ ៨ មិនា

រូបថត​៖ អង្គការ​វិទ្យាស្ថាន​បើក​ទូលាយ

លោក​ស្រី​ ជឹម ម៉ាណាវី ផ្ដល់​កិច្ច​សម្ភាសន៍

១. តើ​ថ្ងៃ ៨ មិនា មាន​ន័យ​យ៉ាង​ដូច​ម្ដេច?
ទិវា​នារី​អន្តរ​ជាតិ(៨​មិនា) គឺ​ជា​ទិវា​មួយ​ដែល​នារី​ជុំ​វិញ​ពិភពលោក​ប្រារព្ធ​ពិធី​ដើម្បី​រំលឹក​ អបអរសាទរ​នូវ​សមិទ្ធផល​ ទទួល​បាន​ក្រោយ​​ការ​តស៊ូ​ដើម្បី​សមភាព​រវាង​បុរស​និង​ស្រី​​។ ការ​តស៊ូ​នេះ​កើត​ឡើង​ក្នុង​អំឡុង​សតវត្ស​ទី​១៩ នៅ​បណ្ដា​ប្រទេស​អឺរ៉ុប នៅ​ពេល​ដែល​នារី​នៅ​បណ្ដា​ប្រទេស​ទាំង​នេះ​ត្រូវ​គេ​ជិះជាន់​ កេង​ប្រវ័ញ្ច​​និង​ត្រូវ​ធ្វើ​ជា​ទាសករ​ផ្លូវ​ភេទ។​ ​​អង្គការ​សហប្រជាជាតិ​ ក៏​ប្រារព្ធ​ពិធី​អបអរ​សាទរ​ទិវា​នេះ និង​ប្រទេស​ជា​ច្រើន​បាន​កំណត់​ទិវា​នេះ ថា​ជា​ថ្ងៃ​បុណ្យ​ជាតិ​របស់​ខ្លួន​ផង​ដែរ។ នៅ​ពេល​នារី​ក្នុង​ទ្វីប​ទាំង​អស់ ​ដែល​ជា​ញឹកញាប់​តែង​ត្រូវ​បែងចែក ដោយ​ព្រំដែន​ជាតិ និង​ដោយ​ជាតិ​សាសន៍​ខុស​គ្នា ដោយ​ភាព​ខុស​គ្នា​ខាង​ភាសា វប្បធម៌ សេដ្ឋកិច្ច និង​នយោបាយ ​មក​ជួប​ជុំ​គ្នា​ដើម្បី​ធ្វើ​ពិធីបុណ្យ​រំលឹក​ខួប​ទិវា​របស់​ខ្លួន នោះ​គេ​ក៏​​អាច​រំលឹក​ឡើង​វិញ​អំពី​ប្រពៃណី​ដែល​តំណាង​ឲ្យ​យ៉ាង​តិច​ ប្រាំបួន​ទសវត្ស ​នៃ​ការ​តស៊ូ​ដើម្បី សមភាព យុត្តិធម៌ សន្តិភាព និង អភិវឌ្ឍន៍។
២. សម្រាប់​ស្ត្រី​កម្ពុជា តើ​ទិវា ៨ មិនា មាន​សារសំខាន់​យ៉ាងណា​ដែរ?
ប្រទេស​កម្ពុជា​ក៏​បាន​កំណត់ ថ្ងៃ ៨​មិនា​ទិវា​នារី​អន្តរជាតិ​ជា​ថ្ងៃ​បុណ្យជាតិ​ដែរ​។​ សម្រាប់​ស្ត្រី​កម្ពុជា ​ទិវា ៨ មិនា មាន​សារ​សំខាន់​ណាស់​សម្រាប់​ពួក​គេ។​ ៨ មិនា​​ គឺជា​ថ្ងៃ​​ដែល​នារី​ទូទៅ​ជួប​ជុំ​គ្នា​ដើម្បី​សម្ដែង​មតិ​ លើក​ឡើង​នូវ​​កង្វល់​ និង​បញ្ហា​របស់​ខ្លួន​ដើម្បី​ស្វែង​រក​នូវ​ដំ​ណោះ​ស្រាយ​សមស្រប​នានា​ សម្រាប់​បញ្ហា។​​ស្នាដៃ​របស់​ស្ត្រី​ និង​សមិទ្ធផល​ការងារ​នានា ក៏​ត្រូវ​បាន​រំ​លេច។
មិន​មែន​មាន​តែ​ថ្ងៃ​ ៨​មិនា​តែ​ប៉ុណ្ណោះ​ទេ ដែល​ជា​ថ្ងៃ​សិទ្ធិ​របស់​ស្ត្រី​ ដែល​មតិ​មួយ​ចំ​នួន​បាន​លើក​ឡើង​ថា​ជា​ថ្ងៃ​ដែល​ស្ត្រី​​អាច​ប្រើ​ប្រាស់​ សិទ្ធិ​របស់​ខ្លួន​បាន។​ មតិ​នេះ​មិន​ត្រឹម​ត្រូវ​ឡើយ។​ សិទ្ធិ​ស្ត្រី គឺ​ជា​សិទ្ធិ​មនុស្ស ។ សេចក្ដី​ប្រកាស​ជា​សកល​ស្ដី​ពី​សិទ្ធិ​មនុស្ស​(Universal Declaration of Human Rights)1 មាត្រា ១​ចែង​ថា "​មនុស្ស​ទាំង​អស់​កើត​មក​មាន​សេរី​ភាព ​និង​ភាព​ស្មើ​ៗ​គ្នា​ក្នុង​សិទ្ធិ​ និង​សេចក្ដី​ថ្លៃថ្នូរ​..."។ ដូច្នេះ​សិទ្ធិ​ស្ត្រី​ ឬ​សិទ្ធិ​មនុស្ស​ ​ត្រូវ​បាន​អនុវត្ត ជា​រៀង​រាល់​ពេល​ក្នុង​ជីវិត​រស់​នៅ​របស់​មនុស្ស។​ ក៏​ដូច​ជា​ស្ត្រី​ទូទាំង​ពិភព​លោក​ដែរ ស្ត្រី​កម្ពុជា​បាន​ប្រើ​ប្រាស់​ថ្ងៃ ៨​មិនា ជា​ថ្ងៃ​ដែល​ស្ត្រី​ធ្វើ​ការ​តស៊ូ​មតិ​ជា​មួយ​រដ្ឋាភិបាល ​ដើម្បី​កំណត់​នូវ​របៀបវារៈ​ការងារ​និង​លើក​ឡើង​នូវ​គោល​នយោបាយ​នានា ដែល​គាំ​ទ្រ​ដល់​សមភាព​រវាង​បុរស​និង​នារី។ ​​​​​​
៣. រយៈ​ពេល​កន្លង​មក តើ​អង្គការ​វិទ្យាស្ថាន​បើក​ទូលាយ​របស់​លោកស្រី​នាយិកា​បាន​ធ្វើ​អ្វី​ខ្លះ​ ទាក់​ទិន​នឹង​ទិវា​​ថ្ងៃ ៨ មិនា​នេះ? ហើយ​នៅ​ឆ្នាំ​នេះ​អង្គការ​វិទ្យាស្ថាន​បើក​ទូលាយ​នឹង​​រៀបចំ​កម្មវិធី​អ្វី​ ដែរ​សម្រាប់​ទិវា​នេះ?
ឆ្នាំ​២០០៨​ យើង​បាន​រៀប​ចំ​​​ ឲ្យ​មាន​ការ​ពិភាក្សា​តាម​កំណត់ហេតុ​បណ្ដាញ​ ​សារ​អេឡិចត្រូនិក​ ​បញ្ជី​សំបុត្រ​រួម​ gender@lists.open.org.kh ដែល​ជា​វេទិកា​ពិភាក្សា​តាម​រយៈ​សារ​អេឡិចត្រូនិក ​​អំពី​​បញ្ហា​ស្ត្រី​ និង​យេនឌ័រ។​បាន​​ផ្សព្វ​ផ្សាយ​​អត្ថបទ​និង​សរសេរ​បទ​វិចារណកថា​ទាក់ទង​ទិវា ​​នារី​អន្តរជាតិ។បាន​​ធ្វើ​ "របាយការណ៍​អង្កេត​តាមដាន​ការ​ចេញ​ផ្សាយ​ព័ត៌មាន​អំពី​ស្ត្រី " ដែល​លោក​អ្នក​អាច​ចូល​អាន​នៅ​​
http://women.open.org.kh/km/monitoring_and_evaluation_women_news_published ​​             និង​បាន​ចូល​រួម​សហ​ការ​ជាមួយ​គណៈកម្មាធិការ​ CEDAW) និង​​ជាមួយ​ស្ថាប័ន​រដ្ឋាភិបាល​ និង​អង្គការ​មិនមែន​រដ្ឋាភិបាល​ក្នុង​ស្រុក​ ក្នុង​ពិធី​អបអរ​សាទរ ​ទិវា​​នារី​អន្តរជាតិ។​
ឆ្នាំ​២០០៩ អង្គ​ការ​បាន​កំណត់​យក​ប្រធាន​បទ«ស្ត្រី​​ចូលរួម​ក្នុង​កិច្ច​អភិវឌ្ឍន៍​ សេដ្ឋកិច្ច និង​ការងារ​សង្គម​ជាតិ» ​និង​រៀបចំ​សកម្មភាព​មួយ​ចំ​នួន​៖
១.ផ្សព្វ​ផ្សាយ​​អត្ថបទ​ទាក់ទង​ទិវា​​នារី​អន្តរជាតិ៖ កម្មវិធី​ស្ត្រី​​នឹង​ដក​ស្រង់​ផ្សព្វផ្សាយ​ព័ត៌មាន​សកម្មភាព​របស់​ស្ថាប័ន​ និង​អង្គការ​ដែល​ធ្វើ​ការ​ងារ​អំពី​ស្ត្រី​។
២.បទ​វិចារណកថា៖ ​នឹង​​ធ្វើ​ការ​ផ្សព្វផ្សាយ​​នូវ​​បទ​វិចារណកថា​​ដែល​​ផ្ដោត​ទៅ​លើ​ប្រធាន​បទ ខាង​លើ។
៣.ចូល​រួម​សហ​ការ​ជាមួយ​គណៈកម្មាធិការ​ CEDAW) និង​​ជាមួយ​​ស្ថាប័ន​រដ្ឋាភិបាល​ និង​អង្គការ​មិនមែន​រដ្ឋាភិបាល​ក្នុង​ស្រុក​ ក្នុង​ពិធី​អបអរ​សាទរ ​ទិវា​​នារី​អន្តរជាតិ។​
៤.ការ​ពិភាក្សា​តាមរយៈ​មធ្យោបាយ​ទំនាក់ទំនង​លើ​វិបផតថល​ស្ដី​អំពី​ស្ត្រី ចាប់​ពី​ថ្ងៃ​ទី​២០ ខែ​កុម្ភៈ រហូត​ដល់​ថ្ងៃ​ទី ១៣ ខែ​មិនា​ ឆ្នាំ​២០០៩​ ជុំវិញ​​ប្រធានបទ​​​ «ស្ត្រី​​ចូលរួម​ក្នុង​កិច្ច​អភិវឌ្ឍន៍​សេដ្ឋកិច្ច និង​ការងារ​សង្គម​ជាតិ» ​ តាមរយៈ​ កំណត់ហេតុបណ្ដាញ វេទិកា​លើ​បណ្ដាញ និង​បញ្ជី​សំបុត្រ​រួម ព្រមទាំង​នឹង​មាន​ ​​ចេញ​ជា​ប័ណ្ណ​សរសើរ​​ជូន ។ សម្រាប់​ព័ត៌មាន​លម្អិត​ សូម​ចូល​អាន៖
http://women.open.org.kh/files/8%20March/Announcement_8%20March.pdf
៥.​បោះ​ឆ្នោត​លើ​វិបផតថល​ស្ដី​អំពី​ស្ត្រី "តើ​ស្ត្រី​ពិត​ជា​បាន​ចូលរួម​នៅ​ក្នុង​កិច្ច​អភិវឌ្ឍន៍​សេដ្ឋកិច្ច និង​ការងារ​សង្គម​ឬ?
៦.ផ្ញើ​សារ​ជា​រូបភាព​តាម​ទូរស័ព្វ​ ​"លើក​កម្ពស់​សិទ្ធិ​ស្ត្រី ដោយ​ប្រើ​ វិបផតថល​ស្ដី​អំពី​ស្ត្រី"
http://women.open.org.kh
៤. ក្រៅ​ពី​ទិវា​ថ្ងៃ ៨ មិនា​នេះ តើ​អង្គការ​វិទ្យាស្ថាន​បើក​ទូលាយ​មាន​កម្មវិធី​អ្វី ដែល​ជួយ​ជំរុញ​ការ​លើក​ស្ទួយ​​​​សិទ្ធិ​​ស្ត្រី​នៅ​ក្នុង​សង្គម​កម្ពុជា?
យើង​មាន​រៀប​ចំ៖​​
កិច្ចប្រជុំ​វេទិកា​ស្ត្រី៖ ​ធ្វើ​ឡើង​​​ក្នុង​​គោលបំណង​​សម្រប​សម្រួល​ការ​ពិភាក្សា ​អំពី​បញ្ហា​ប្រឈម​នានា​របស់​ស្ត្រី​ និង​ជុំវិញ​បញ្ហា​​យេនឌ័រ​។​ កិច្ចប្រជុំ​​បាន​បង្កើត​ឱកាស​សម្រាប់​ជួបជុំ​គ្នា​ និង​បង្កើន​កិច្ចសហការ​រវាង​ស្ថាប័ន​ស្ត្រី​ រដ្ឋាភិបាល និង​ស្ថាប័ន​ពាក់ព័ន្ធ​ ដើម្បី​​ស្វែង​រក​ដំ​ណោះ​ស្រាយ​សម្រាប់​បញ្ហា​ស្ត្រី​ ក្នុង​គោល​បំ​ណង​ធ្វើ​ឲ្យ​ស្ថានភាព​ស្ត្រី​មាន​ភាព​ប្រសើរ​​ឡើង។ ​
សិក្ខាសាលា៖ តាម​រយៈ​សិក្ខា​សាលា​នេះ​ ការ​រក​ឃើញ និង​អនុសាសន៍​ ដែល​បាន​មក​ពី​​កិច្ចប្រជុំ​វេទិកា​ស្ត្រី​ត្រូវ​បាន​ផ្សព្វផ្សាយ​ដល់​ ស្ថាប័ន​រដ្ឋាភិបាល បណ្តាញ​/អង្គការ​ស្ត្រី ប្រព័ន្ធ​ផ្សព្វផ្សាយ និង​សាធារណជន ក្នុង​គោលបំណង​​ស្វែងរក​ដំណោះស្រាយ​រួម​ដែល​ផ្ដល់​ការ​​​​​​​​គាំ​ទ្រ​ និង​ជំរុញ​ឲ្យ​មាន​សមភាព​យេនឌ័រ​ក្នុង​ប្រទេស​កម្ពុជា។
កិច្ចពិភាក្សា​លើ​មធ្យោបាយ​ទំនាក់ទំនង​ដែល​មាន​លើ​វិបផតថល​ស្ដីអំពី​ស្ត្រី៖​ ដើម្បី​ ​ជំរុញ​ឲ្យ​មាន​ការ​ពិភាក្សា​អំពី​បញ្ហា​យេនឌ័រ​នៅ​ក្នុង​ប្រទេស​កម្ពុជា​ តាម​រយៈ​៖
                    ១.បញ្ជី​សំបុត្រ​រួម៖ gender@lists.open.org.kh
                    ២.កំណត់ហេតុបណ្ដាញ http://women.open.org.kh/km/blog
                    ៣.វេទិកា​លើ​បណ្ដាញ http://women.open.org.kh/km/forum
កិច្ចពិភាក្សា​ផ្តល់​ជា​ឱកាស​សម្រាប់​ សកម្មជន​ផ្នែក​យេនឌ័រ និង​អ្នក​ជំនាញ​ផ្នែក​ច្បាប់ សិទ្ធិ ការ​ស្រាវជ្រាវ ប្រព័ន្ធ​ផ្សព្វផ្សាយ និង​បុគ្គល​ ជួបជុំ​គ្នា​តាម​លក្ខណៈ​អេឡិចត្រូនិក និង​​បង្កើន​កិច្ចសហការ​ និង​ពង្រីក​នូវ​វប្បធម៌​នៃ​ការ​ចែក​រំលែក​​ព័ត៌មាន​​រវាង​ស្ថាប័ន និង​ស្ថាប័ន និង​រវាង​ស្ថាប័ន និង​បុគ្គល។ ​
៥. មាន​ចំណុច​មួយ​ក្នុង​កម្មវិធី​ស្ត្រី​របស់​អង្គការ​វិទ្យាស្ថាន​បើក​ទូលាយ​ បាន​ផ្ដោត​លើ​ការ​ពង្រឹង​សមត្ថភាព​​បច្ចេកវិទ្យា គមនាគមន៍ និង​ព័ត៌មាន​វិទ្យា​ដល់​ស្ត្រី តើ​ចំណុច​នេះ​មាន​សារ​សំខាន់​យ៉ាង​ណា?
បច្ចុប្បន្ន​បច្ចេកវិទ្យា គមនាគមន៍ ព័ត៌មានវិទ្យា​ ​មាន​ការ​រីក​ចម្រើន​ខ្លាំង​នៅ​ប្រទេស​កម្ពុជា និង​ពិត​ជា​មាន​សារៈសំខាន់​ណាស់ ក្នុង​ការ​ពង្រឹង​សមត្ថភាព​ដល់​ស្ត្រី​។ គឺ​គេ​អាច​ប្រើ​ប្រាស់​បច្ចុប្បន្ន​បច្ចេកវិទ្យា គមនាគមន៍ ព័ត៌មានវិទ្យា​សម្រាប់​ ​ការ​ស្រាវជ្រាវ ការ​ទទួលយក និង​ផ្សព្វផ្សាយ​ព័ត៌មាន​ជា​ដើម​។ ស្ត្រី​នៅ​បណ្ដា​ប្រទេស​អាស៊ីអាគ្នេយ៍ រួម​ទាំង​ប្រទេស​កម្ពុជា​ផង​ដែរ ភាគ​ច្រើន​ពុំ​ត្រូវ​បាន​លើក​ទឹក​ចិត្ត​ឲ្យ​ប្រើ​ប្រាស់​បច្ចុប្បន្ន​ បច្ចេកវិទ្យា គមនាគមន៍ ព័ត៌មានវិទ្យា នោះ​ទេ​ដែល​ជា​ហេតុ​ធ្វើ​ឲ្យ​ពួក​គាត់​នៅ​ឆ្ងាយ​ពី​កន្លែង​ប្រ​មូល​ផ្ដុំ​ ព័ត៌មាន​និង​ចំ​ណេះ​ដឹង។ ​​​​​បច្ចេកវិទ្យា គមនាគមន៍ ព័ត៌មានវិទ្យា​ត្រូវ​បាន​ប្រើ​ប្រាស់​ក្នុង​ការ​ផ្ដល់​អំណាច​ដល់​ស្ត្រី ដូចជា ការ​ផ្ដល់​ជា​វគ្គ​បណ្ដុះបណ្ដាល​ លើក​កម្ពស់​សមត្ថភាព ​ស្ត្រី​ ដើម្បី​​មាន​លក្ខណៈ​​ប្រកួត​ប្រជែង​ក្នុង​ទី​ផ្សា​ការងារ​។​ តាម​រយៈ បច្ចេកវិទ្យា គមនាគមន៍ ព័ត៌មានវិទ្យា​ គេ​អាច​​ចង​ជា​បណ្ដាញ​រវាង​ស្ត្រី និង​បុរស​ ពី​សហគមន៍​មួយ​ទៅ​សហគមន៍​មួយ និង​ពី​មនុស្ស​ម្នាក់​ទៅ​មនុស្ស​ម្នាក់​ទៀត ដែល​ជា​ការ​តភ្ជាប់​ការ​ប្រា​ស្រ័យ​ទាក់​ទង​ទៅ​វិញ​ទៅ​មក​ដោយ​មិន​កំណត់​​ ព្រំដែន​ និង​ជាតិសាសន៍។​ ស្ត្រី​អាច​ធ្វើ​ការ​ចែក​រំលែក​ចំណេះដឹង​ ​បទ​ពិសោធ​ការងារ​ និង​ជោគ​ជ័យ​​​ និង​បញ្ហា​របស់​ខ្លួន​ដល់​បុរស ដើម្បី​បង្ហាញ​ថា ស្ត្រី​ក៏​មាន​ចំណែក​ក្នុង​ការងារ​កសាង​និង​អភិវឌ្ឍ​សង្គម​ដែរ និង​ដើម្បី​ឲ្យ​បុរស​​មាន​ការ​យល់​ដឹង​ថែម​ទៀត​អំពី​ស្នា​ដៃ ការ​ប្រឹង​ប្រែង​របស់​ស្ត្រី​ អំពី​តម្រូវ​ការ​ខុស​គ្នា​រវាង​បុរស​ និង​ស្ត្រី ដោយ​សារ​ភេទ​ខុស​គ្នា​ដែល​ជា​លក្ខណៈ​ធម្មជាតិ ​និង​អំពី​ការ​ប្រឈម​​របស់​ស្ត្រី។ ការ​​​ចែក​រំលែក ទាំង​នេះ​​នឹង​​នាំ​មក​នូវ​ការ​កាត់​បន្ថយ​ជា​​បណ្ដើរ​ៗ​​នូវ​ផ្នត់​គំនិត​ លំអៀង​ផ្នែក​យេនឌ័រ (Gender Stereotype) និង​ការ​រើសអើង​ចំពោះ​ស្ត្រី​ដើម្បី​ឈាន​ទៅ​រក​សមភាព​យេនឌ័រ​​លើ​គ្រប់​ វិស័យ​ ។
៦. ពាក់ព័ន្ធ​នឹង​ការងារ​ស្ត្រី តើ​អង្គការ​វិទ្យាស្ថាន​បើក​ទូលាយ​បាន​សហការ​ជាមួយ​ក្រសួង​កិច្ចការ​នារី និង​សង្គម​​ស៊ីវិល​យ៉ាង​ដូច​ម្ដេច​ដែរ​?
បញ្ហា​ស្ត្រី​និង​បញ្ហា​យេនឌ័រ​គឺ​ជា​បញ្ហា​សកល​។ ដូច្នេះ​វា​ទាម​ទារ​ឲ្យ​មាន​ដំ​ណោះ​ស្រាយ​ជា​សកល​ដោយ​មាន​ការ​ចូល​រួម​ពី​ គ្រប់​ស្ថាប័ន​ពាក់ព័ន្ធ​ និង​ជាតិ​សាសន៍​ទាំង​អស់។ ​ដូច​គ្នា​នេះ​ដែរ​ អង្គ​ការ​វិទ្យាស្ថាន​បើក​ទូ​លាយ​ក៏​ត្រូវ​សហការ​ជា​មួយ​អង្គការ​ និង​ស្ថាប័ន​ដទៃ​ឯទៀត​ក្នុង​ការ​ងារ​នេះ។​ អង្គការ​​បាន​ចូល​រួម​ជា​លក្ខណៈ​ប្រព័ន្ធ ក្នុង​ការ​កសាង​សមត្ថភាព​ស្ត្រី​ ជំរុញ​សមភាព​យេនឌ័រ ចូល​រួម​ធ្វើការ​វិភាគ ​និង​ស្វែង​រក​ដំ​ណោះ​ស្រាយ​​សម្រាប់​បញ្ហា​ស្ត្រី ដោយ​សហការ​ជាមួយ​ក្រ​សួង​កិច្ច​ការ​នារី​​បាន​ចូល​រួម​ជា​សមាជិក​ក្រុម​ ការងារ​បច្ចេកទេស​យេនឌ័រ​​រៀប​ចំ​ដោយ​ក្រសួង​កិច្ចការ​នារី​ដោយ​មាន​ការ​ចូល ​រួម​ពី​តំណាង​គ្រប់​មន្ទីរ​ក្រ​សួង​និង​អង្គ​ការ​ក្នុង​ស្រុក​​និង​ អន្តរជាតិ និង​អង្គការ​UNIFEM ​ជា​ដើម។ ក្នុង​​​នាម​ជា​សមាជិក​​អចិន្ត្រៃយ៍​គណៈកម្មាធិការ CEDAW កម្ពុជា ដែល​ជា​បណ្ដាញ​មួយ​មាន​អង្គការ​សមាជិក​ជិត​៧០​អង្គ​ការ អង្គ​ការ​វិទ្យា​ស្ថាន​បើក​ទូ​លាយ បាន​បំពេញ តួនាទី​ និង​កាតព្វកិច្ច​សំខាន់ៗ​​រួម​មាន​ ​ការ​ផ្សព្វផ្សាយ​ទូទាំង​ប្រទេស នូវ​ព័ត៌មាន​ស្ដីពី​អនុសញ្ញា​​នៃ​ការ​លុបបំបាត់​រាល់​ទម្រង់​នៃ​ការរើសអើង​ ប្រឆាំង​​នារី​ភេទ​ដែល​ហៅ​កាត់​ថា ស៊ី ដ (CEDAW)។ បន្ថែម​ពី​លើ​នេះ​ទៀត យើង​បាន​រួមចំណែក​ផង​ដែរ ក្នុង​ការ​បំពេញ​បន្ថែម​នូវ​ចំណុច​ខ្លះ​ៗ​នៃ​សេចក្ដី​ផ្ដល់​មតិ​ចុង​ក្រោយ​​ របស់​គណៈកម្មាធិការ​បំបាត់​រាល់​ទម្រង់​នៃ​ការ​រើស​អើង​ប្រឆាំង​​នឹង​នារី​ ភេទ សម្រាប់​ប្រទេស​កម្ពុជា​​ (​Concluding comments of the Committee on the Elimination of Discrimination Against Women:Cambodia)។
៧. នៅ​ក្នុង​ផែនការ​យុទ្ធសាស្ត្រ និង​ផែនការ​ប្រតិបត្តិ​របស់​ខ្លួន តើ​អង្គការ​វិទ្យាស្ថាន​បើក​ទូលាយ​បាន​កំណត់​អ្វី​​ដែល​ចលនា​ឲ្យ​ស្ត្រី​ កម្ពុជា​ចូលរួម​ក្នុង​ការ​អភិវឌ្ឍ​សង្គម​ជាតិ?
ការ​ជំ​រុញ​ឲ្យ​មាន​ស្ត្រី​ចូល​រួម​ឲ្យ​បាន​ច្រើន​ក្នុង​ការងារ​ អភិវឌ្ឍន៍​សង្គម​ជាតិ​ គឺ​ជា​ផែន​ការ​ជា​យុទ្ធសាស្ត្រ​របស់​អង្គ​ការ​ដែល​មាន​ចែង​ច្បាស់​ក្នុង​គោល ​បំណង​របស់​អង្គ​ការ​គឺ "ជំ​រុញ​​សមភាព​​យេនឌ័រ​ ដោយ​​ធ្វើ​​យ៉ាង​​ណា​អោយ​​ស្ត្រី​​និង​​បុរស​​ អាច​​ទទួល​​បាន​ផល​ប្រយោជន៍​ស្មើ​​គ្នា​ក្នុង​​រាល់​កម្មវិធី"។​ ដូច្នេះ​ហើយ​ទើប​យើង​មាន​កម្មវិធី​ "​ការ​ផ្ដល់​អំណាច​ដល់​ស្ត្រី​ដើម្បី​បន្លាស់​ប្ដូរ​ក្នុង​សង្គម" ដែល​ក្នុង​នោះ​ យើង​បាន​​បង្កើត​ឲ្យ​មាន​​កិច្ច​សហការ​ប្រកប​ដោយ​ជោគ​ជ័យ​រវាង​អង្គ​ការ​ ធ្វើ​ការងារ​អំពី​ស្ត្រី​និង​សិទ្ធិ ​តាម​រយៈ​ ​ផ្ដល់​ព័ត៌មាន​អំពី​សិទ្ធិ អំពី​ច្បាប់​ និង​ការងារ​អភិវឌ្ឍ​ ផ្ដល់​មធ្យោបាយ​និង​លើក​ទឹក​ចិត្ត​ឲ្យ​មាន​ការ​ពិភាក្សា​ស្វែង​យល់​អំពី​ យេនឌ័រ​និង​អំពី​ស្ត្រី​​ និង​ការ​ផ្ដល់​​វគ្គ​បណ្ដុះ​បណ្ដាល​អំពី បច្ចេកវិទ្យា គមនាគមន៍ ព័ត៌មានវិទ្យា។ ទាំង​អស់​នេះ​គឺ​ដើម្បី​ជួយ​កសាង​សមត្ថភាព​និង​​​ជំនាញ​ដល់​ស្ត្រី​ ជួយ​ឲ្យ​ការ​ងារ​ស្ត្រី​​មាន​ប្រសិទ្ធភាព​ប្រសើរ​ជាង​ និង​មាន​លក្ខណៈ​​ប្រកួត​ប្រជែង​ក្នុង​ទី​ផ្សា​ការងារ។
ទន្ទឹម​នឹង​នោះ​យើង​ក៏​មាន​រៀប​ចំ​ប្រជុំ​វេទិកា​ស្ត្រី​ដែល​ធ្វើ​ឡើង​ រៀង​រាល់​២​ខែ​ម្ដង ដើម្បី​ឲ្យ​ស្ត្រី​មក​ពី​ស្ថាប័ន​និង​ជំនាញ​ខុស​ៗ​គ្នា​មក​ជួប​ជុំ​ ​ពិភាក្សា​អំពី​បញ្ហា​និង​ស្វែង​រក​ដំណោះ​ស្រាយ​រួម​សម្រាប់​បញ្ហា។ យើង​ក៏​រៀប​ចំ​ឲ្យ​មាន​សិក្ខាសាលា​​ដើម្បី​ផ្សព្វផ្សាយ​ជា​សាធារណៈ ​និង​ដល់​ស្ថាប័ន​ពាក់​ព័ន្ធ​ នូវ​លទ្ធផល​នៃ​ការ​ពិភាក្សា​ក្នុង​វេទិកា រួម​មាន​ការ​រក​ឃើញ ​និង​អនុសាសន៍​នានា​ដែល​ផ្ដល់​ដោយ​អង្គ​ពិភាក្សា​ដើម្បី​​​ស្វែង​រក​​ គោលនយោបាយ​នានា​ ដែល​គាំ​ទ្រ​ដល់​សមភាព​រវាង​បុរស ​និង​ស្ត្រី។​​​​​​​​​​​ ពេល​ស្ត្រី​មាន​ការ​គាំ​ទ្រ មាន​សមត្ថភាព​គ្រប់គ្រាន់ ស្ត្រី​នឹង​មាន​ភាព​ជឿ​ជាក់​ និង​ចូល​រួម​បាន​ច្រើនជាង​​ក្នុង​ការ​ងារ​អភិវឌ្ឍ​សេដ្ឋកិច្ច​ និង​សង្គម​ជាតិ។​​​​​
៨. បើ​តាម​ទស្សនៈ​របស់​លោកស្រី​នាយិកា តើ​អ្វី​ជា​ការ​ប្រឈម ឫ​ជា​ឧបសគ្គ​ដ៏​ចម្បង​ក្នុង​ការ​លើក​ស្ទួយ​សិទ្ធិ​​ស្ត្រី​នៅ​ក្នុង​សង្គម​ កម្ពុជា?
ឧបសគ្គ​ដ៏​ចម្បង​ក្នុង​ការ​លើក​ស្ទួយ​សិទ្ធិ​ស្ត្រី​ គឺ​អំពី​គំនិត​យល់​ឃើញ​របស់​សង្គម​ចំពោះ​ស្ត្រី​ និង អំពី​បរិបទ​នៃ​រចនា​សម្ព័ន្ធ​សង្គម​មួយ​(ខ្មែរ)​​ដែល​មាន​បុរស​ជា​អ្នក​កាន់ ​កាប់​ និង​​ឲ្យ​តម្លៃ​ស្ត្រី​មិន​ស្មើ​បុរស ទោះ​ជា​បី​យើង​មាន​រដ្ឋធម្មនុញ្ញ មាន​ច្បាប់​ផ្សេង​ៗ​ ដើម្បី​ការពារ​សិទ្ធិ​ស្ត្រី​ និង​​យុទ្ធសាស្ត្រ​ចតុកោណ​របស់​រាជ​រដ្ឋាភិបាល​​ក៏​បាន​ដាក់​ចេញ​នូវ​គោល​ដៅ ​យុទ្ធសាស្ត្រ​ក្នុង​ការ​ជំរុញ​ឲ្យ​មាន​សមភាព​យេនឌ័រ​ក៏​ដោយ ក៏​នៅ​មាន​ឧបសគ្គ​ជា​ច្រើន​ទៀត ដូច​ជា​​ការ​អនុវត្ត​ច្បាប់​មិន​បាន​ហ្មឺងហ្មាត់​​ជា​ដើម។ ​​​ជា​ពិសេស សម្ដេច អគ្គមហាសេនា​បតីតេជោ ហ៊ុន​សែន ក៏​បាន​អំពាវ​នាវ​ឲ្យ​គ្រប់​ស្ថាប័ន​ក្រសួង ​បញ្ជ្រាប​គោលនយោបាយ​បញ្ជ្រាប​យេនឌ័រ​ក្នុង​រាល់​គោល​នយោបាយ​និង​កម្មវិធី​ នានា។ អញ្ចឹង​យើង​ឃើញ​ថា​ តាម​ផ្លូវ​ច្បាប់ ស្ត្រី​ខ្មែរ​ត្រូវ​បាន​ការពារ​និង​ឲ្យ​តម្លៃ។ តែ​ក្នុង​ការ​អនុវត្ត​ជាក់​ស្ដែង​គឺ​មិនមែន​ដូច​ច្បាប់​ដែង​នោះ​ទេ។​​​​​​​
នៅ​ក្នុង​រចនា​សង្គម​កម្ពុជា បុរស​គឺ​ជា​អ្នក​​គ្រប់​គ្រង​នៅ​សឹង​គ្រប់​វិស័យ​និង​គ្រួសារ។ បុរស​ភាគ​ច្រើន​ជា​អ្នក​រក​ប្រាក់​ផ្គត់​ផ្គង់​គ្រួសារ​ ហើយ​ត្រូវ​​គេ​ចាត់​ទុក​ថា​ជា​មេ​គ្រួសារ ដូច្នេះ​រាល់​ការ​សម្រេច​ចិត្ត ភាគ​ច្រើន​បុរស​ជា​អ្នក​សម្រេច។ ដោយ​សារ​វប្បធម៌​សង្គម​ ស្ត្រី​ពុំ​ត្រូវ​បាន​លើក​ទឹក​ចិត្ត​ឲ្យ​ទៅ​​រៀន ឬ​ឲ្យ​បន្ត​ការ​សិក្សា​ឲ្យ​បាន​ខ្ពស់​ និង​ពុំ​សូវ​ត្រូវ​បាន​ផ្ដល់​ឱកាស​បណ្ដុះ​បណ្ដាល​​ដូច​បុរស​ឡើយ។​ នេះ​ជា​ហេតុ​ផល​ធ្វើ​ឲ្យ​ស្ត្រី​ភាគ​ច្រើន​មាន​ការ​អប់​រំ​ទាប​ជាង​បុរស នាំ​ឲ្យ​ស្ត្រី​មិន​អាច​កាន់​តំណែង​ខ្ពស់​បាន។​​
ដូច្នេះ​ហើយ ទើប​​នៅ​កន្លែង​ធ្វើ​ការ​ គេ​ឃើញ​ការ​ងារ​គ្រប់​គ្រង​និង​ធ្វើ​សេចក្ដី​សម្រេច​ចិត្ត ភាគ​ច្រើន​បុរស​ជា​អ្នក​កាន់​កាប់ ចំណែក​ឯ​ស្ត្រី​វិញ​ធ្វើ​ការ​នៅ​លំ​ដាប់​ថ្នាក់​ទាប បើ​ទោះ​បី​ចំ​នួន​ស្ត្រី​ចូល​រួម​ក្នុង​កម្លាំង​ពលកម្ម​មាន​រហូត​ដល់​ទៅ​ជាង ​៧០​ភាគ​រយ​នៃ​ចំ​នួន​ពលកម្ម​សរុប​ក៍​ដោយ។ ទោះ​បី​ស្ត្រី​ខ្មែរ​មាន​សិទ្ធិ​បោះ​ឆ្នោត​និង​មាន​សិទ្ធិ​ឈរ​ឈ្មោះ​បោះ​ ឆ្នោត​តាំង​បី​ឆ្នាំ​១៩៥៥ ​ក៍​ដោយ ក៍​ចំ​នួន​ស្ត្រី​ចូល​រួម​ក្នុង​ការ​ងារ​នយោបាយ​និង​ដឹក​នាំ​នៅ​មាន​កម្រិត។ គេ​ឃើញ​ស្ត្រី​មាន​កៅអី​ក្នុង​សភា​មាន​តែ​ជាង​​ ១៤​ភាគ​រយ និង​ជា​អ្នក​ដឹក​នា​ស្ថាប័ន​ក្រសួង មាន​តែ​ជាង​៧​ភាគ​រយ​ប៉ុណ្ណោះ។​ ​នេះ​បាន​ឆ្លុះ​បញ្ចាំង​នូវ​ អតុល្យភាព​អំណាច​រ​វាង​បុរស​និង​ស្ត្រី។ ​ម្យ៉ាង​ទៀត ដើម្បី​សង្គម​ទទួល​ស្គាល់​ស្នាដៃ​របស់​ស្ត្រី​ៗ ​ត្រូវ​ធ្វើ​ការ​ពីរ​ដង​បើ​ប្រៀប​ធៀប​និង​បុរស ពី​ព្រោះ​នៅ​កន្លែង​ធ្វើការ​ក្ដី នៅ​ក្នុង​សង្គម​ក្ដី​ គេ​មិន​ឲ្យ​តម្លៃ​ស្ត្រី​និង​ការងារ​របស់​ស្ត្រី​ទេ ព្រម​ទាំង​មិន​មាន​ជំនឿ​លើ​ការងារ​ដឹក​នាំ​របស់​ស្ត្រី​នោះ​ដែរ។​ ប្រ​ការ​នេះ​បាន​ធ្វើ​ឲ្យ​ស្ត្រី​មាន​ការ​រួញ​រា​ និង​មិន​សូវ​មាន​ការ​ជឿ​ជាក់​លើ​ខ្លួន​ឯង។ ​
៩. តើ​អាច​មាន​ដំណោះស្រាយ​ដែរ​ឫ​ទេ​ចំពោះ ​ការ​ប្រឈម ឫ​ក៏​ឧបសគ្គ​ទាំង​នោះ?
យើង​ត្រូវ​មាន ដំណោះស្រាយ​ជា​យុទ្ធសាស្ត្រ ជា​ប្រព័ន្ធ​មួយ ដើម្បី​ស្ត្រី​អាច​ទទួល​បាន​ផល​ប្រយោជន៍​ពេញ​លេញ​ពី​ច្បាប់​និង​គោលនយោបាយ​ របស់​​រដ្ឋាភិបាល​ ​ធ្វើ​ឲ្យ​មាន​ការ​ប្រែ​ប្រួល​អំពី​ស្ថាន​ភាព​ស្ត្រី​នៅ​ប្រទេស​កម្ពុជា​។ ដើម្បី​លើក​ស្ទួយ​សិទ្ធិ​ស្ត្រី ជំ​រុញ​សមភាព​យេនឌ័រ និង​ជំរុញ​ការ​ចូល​រួម​របស់​ស្ត្រី​ឲ្យ​បាន​ច្រើន​ជាង​ក្នុង​វិស័យ​ សេដ្ឋកិច្ច​ នយោបាយ​និង​សង្គម​ នោះ រដ្ឋាភិបាល ដោយ​សហការ​ជាមួយ​អង្ក​ការ​ដៃ​គូរ​និង​អង្គការ​មិន​មែន​រដ្ឋាភិបាល​នានា ​ត្រូវ​មាន​និង​ត្រូវ​អនុវត្ត​ឲ្យ​បាន​ហ្មឺងហ្មាត់​នូវ​គោលនយោបាយ៖
បញ្ជ្រាប​គោលនយោបាយ​យេនឌ័រ​ទៅ​ក្នុង​រាល់​គោលនយោបាយ​ថ្នាក់​ជាតិ​និង​ថ្នាក់​ក្រោម​ជាតិ
អនុវត្ត ​ឲ្យ​បាន​ហ្មឺងហ្មាត់​នូវ​កតិកា​និង​អនុសញ្ញា​អន្តរជាតិ​នានា​ជា​មូលដ្ឋាន​ ការពារ​សិទ្ធិ​ស្ត្រី​​​​ដែល​កម្ពុជា​ជា​ប្រទេស​ហត្ថលេខី​មួយ​ដែរ។​​​
ផ្ដល់​ឱកាស​ដល់​​ស្ត្រី​​ចូល​រួម​ឲ្យ​បាន​ច្រើន​ក្នុង​ការ​ពិភាក្សា​អំពី​ ការ​តាក់តែង​គោល​នយោបាយ​នានា ​អំពី​ការ​បែង​ចែក ​និង​គ្រប់គ្រង​ធន​ធាន​ ​អំពី​គម្រោង​​ថវិកា​ជាតិ និង​ក្នុង​ដំណើរ​ការ​នៃ​ការ​ធ្វើ​សេចក្ដី​សម្រេច​ចិត្ត​នានា។
បង្កើត​ការងារ​មាន​លក្ខណៈ​ប្រព័ន្ធ​ មាន​វិធាន​ការ​ជាក់​ស្ដែង​ដើម្បី​ជំរុញ​ឱកាស​ស្មើ​គ្នា​រវាង​បុរស​និង​នារី​ ​និង​ជំរុញ​ការ​​ផ្ដល់​ជំនាញ​អំពី​ការងារ​សហគ្រិន​ដល់​ស្ត្រី​ដោយ​ ផ្សារភ្ជាប់​ជា​មួយ​ទី​ផ្សា។
ជំរុញ​គោលនយោបាយ​ធានា​រ៉ាប់​រង​សុវត្ថិភាព​ការងារ ការ​ធានា​នូវ​​ប្រព័ន្ធ​ច្បាប់​មួយ​ដែល​នឹង​នាំ​មក​នូវ​ប្រាក់​បៀ​វត្ត​ ប្រសើរ​ជាង​ចំ​ពោះ​ស្ត្រី ​​។
ជំរុញ​គោលនយោបាយ​ផ្ដល់​អំណាច​ពេញ​លេញ​ដល់​ស្ត្រី​​​​​​​​​​​​​
ជំរុញ​​ឲ្យ​ក្មេង​ស្ត្រី​បាន​ទៅ​រៀន​ឲ្យ​បាន​ច្រើន​និង​បាន​ខ្ពស់​ជាង​ ដូច​កូន​ប្រុស​ដែរ។ ការ​ធ្វើ​ដូច្នេះ​ក៏​ជួយ​កាត់​បន្ថយ​បាន​ការ​ធ្វើ​ចំណាក​ស្រុក​ ការ​កេង​ប្រវ័ញ្ច​និង​ការ​ធ្វើ​ទាសករ​ផ្លូវ​ភេទ​៕